Festivalda beynəlxalq şirkətlər və yerli brendlər iştirak edəcək. Təsdiqlənmiş tərəfdaşlar sırasında Xsolla, Epic Games, Garena, Aztelekom, IDDA (İnnovasiya və Rəqəmsal İnkişaf Agentliyi), Azərbaycan Respublikasının Mədəniyyət Nazirliyi, Yaponiya Səfirliyi, Coca-Cola və digər markalar var.

Festivalın əsas istiqamətləri:

• Beynəlxalq biznes-konfrans (6 iyun) — oyun sənayesində tendensiyalar, biznes proseslərində oyunlaşdırma, rəqəmsal təhsil və Azərbaycanın yaradıcı sənaye ixrac imkanları müzakirə olunacaq;
  
• Kiberidman turnirləri — pul mükafatları və sponsor hədiyyələri ilə;
  
• İnkişaf etdirici və nəşriyyat zonaları — müstəqil və böyük studiyaların layihə təqdimatları;
  
• Kospiley festivalı və K-pop şou — rəngarəng kostyumlar və enerjili çıxışlar;
  
• Yarmarka və merç zonası — brendlər, kolleksiya məhsulları və unikal suvenirlər.
  

Gamesummit həmçinin oyun sənayesinə daxil olmaq və bazarın liderləri ilə birbaşa əlaqə qurmaq istəyən gənc mütəxəssislər, tələbələr və həvəskarlar üçün platforma olacaq. Karyera məsləhətləri, mentorluq, ustad dərsləri və sürətli tanışlıq üçün xüsusi zonalar yaradılacaq.

Tədbir haqqında məlumat:

• Tarixlər: 6, 7 və 8 iyun 2025
  
• Məkan: Sea Breeze Resort, Bakı, Azərbaycan
  
• Rəsmi sayt: gamesummit.org
  

Biletlər: iticket.az saytında əldə edilə bilər

Tədbirin açılış mərasimində Azərbaycan Respublikası Mədəniyyət Nazirliyinin nümayəndəsi və Müavini Səadət xanım Yusifova öz nitqində bildirdi: İldə 2 dəfə keçirilən bu tədbir rəqəmsal incəsənət və əyləncəyə həvəsli olanlar üçün yaradıcılıq, innovasiya, texnologiya və sonsuz imkanlar üçün əla fürsətdir.