Elon Musk-ın sahibi olduğu sosial media platformu X, istifadəçilərin uzun müddətdir istifadə etdiyi birbaşa mesajlaşma (DM) funksiyasını ləğv edib. Bunun əvəzinə təqdim ediləcək XChat adlı yeni ünsiyyət vasitəsi ilə bağlı ilk detalları Elon Musk bu gün ictimaiyyətlə bölüşüb.
XChat hansı imkanları təqdim edir?
Uçtan uca şifrələmə: Xəbərləşmələr tam təhlükəsizliklə qorunur və üçüncü şəxslərin müdaxiləsinə qarşı etibarlı olur.
Avtomatik silinən mesajlar: Mesajlar müəyyən vaxtdan sonra istifadəçinin seçiminə əsasən avtomatik olaraq silinə bilər.
Fayl ötürülməsi: Foto, sənəd, video və digər fayl növlərinin göndərilməsi dəstəklənir.
Səsli və görüntülü zənglər: Tətbiq üzərindən istifadəçilər arasında audio və video əlaqə qurmaq mümkündür.
Texnoloji baza: Platforma sıfırdan, Rust proqramlaşdırma dili ilə yaradılıb.
Şifrələmə texnologiyası: Mesajların təhlükəsizliyi üçün Bitcoin-ə bənzər şifrələmə sistemi istifadə olunur.
Yeni sistem sayəsində istifadəçilər yalnız yazılı mesaj deyil, həm də müxtəlif növ faylları uçtan uca şifrələmə ilə paylaşa biləcəklər. İstifadəçi istədiyi halda mesajlar müəyyən müddətdən sonra avtomatik silinəcək.
Elon Musk qeyd edir ki, XChat tamamilə yeni bir memarlıqla, sıfırdan qurulub və bu sistem mövcud mesajlaşma xidmətlərindən fərqlənir. Rust dili üzərində qurulmuş bu platforma daha sürətli və daha yüksək təhlükəsizlik səviyyəsi təklif edir.
Yeni funksiyanın yaxın zamanda bütün istifadəçilərə təqdim olunması gözlənilir.
